१४ वर्षीया बालिकालाई धनगढीमाई नगरपालिका–१४ का २९ वर्षीय मुकेश भन्ने धनबहादुर तामाङ्गले बलात्कार गरेको कसुर ठहर गर्दै जिल्ला अदालतले १८ वर्ष कैदको फैसला ०८० फागुन ३० गते गरेको छ ।
जिल्ला अदालतका न्यायधीश मनोेज केसीको एकल इजलासले आरोपितलाई कसुरदार ठहर गरेको छ । साथै आरोपितले पीडितलाई ६ लाख रुपियाँ क्षतिपूर्ति दिनुपर्ने समेत फैसला अदालतले गरेको छ ।
आरोपितले बालिकालाई ०७८ साउन १० गते बलात्कार गरेको भन्दै पीडित परिवारले इलाका प्रहरी कार्यालय लहानमा साउन १० गते उजुरी दिनु भएको थियो । पीडित बालिकाको स्वास्थ्य परीक्षण लहान स्थित रामकुमार उमाप्रसाद स्मारक अस्पतालमा साउन १० गते भएको थियो । इलाका प्रहरी कार्यालय लहानले आरोपितलाई साउन १० गते गिरफ्तार गरेको थियो भने जिल्ला अदालतको आदेशमा आरोपित भदौ २ गते देखि पुर्पक्षका लागि थुनामा रहेका थिए ।