नेपाल रेडक्रस सोसाइटी, बाजुराको से.१.च ५२४ नम्बरको एम्बुलेन्समा तोडफोड गरेको आरोपमा प्रहरीले बुढीगंगा नगरपालिका–३ का नेपाली काङ्ग्रे क्षेत्रिय प्रतिनिधि २८ वर्षीय गोरख रौल र बडीमालिका नगरपालिका– ८ का नेविसङ्घका केन्द्रीय सदस्य २४ वर्षीय विरेन्द्र ऐडीलाई असोज १४ गते साँझ गिरफ्तार गरेको छ ।
नेपाली काङ्ग्रेस प्रदेश सभा निर्वाचन क्षेत्र (ख) को मतगणना भइरहेको अवस्थामा नगरपालिका कार्यालय बाहिर राखिएको एम्बुलेन्स र सूचना प्रवाहका लागि कार्यालयमा टासिएको डिजिटल बोर्ड तोडफोट गरपछि ऐडी र रौलेलाई गिरफ्तरा गरी अनुसन्धान भइरहेको जिल्ला प्रहरी कार्यालयका डिएसपी पदमजित महराले इन्सेक प्रतिनिधिलाई फोनबाट बताउनु भयो ।
सार्वजनिक सम्पत्ति तोडफोड गर्ने व्यक्तिमाथि कार्वाही प्रक्रिया अगाडी बढाउने निमित्त प्रमुख प्रशासकीय अधिकृत रंगमल विकले बताउनु भयो ।
भारतीय दुताबासको सहयोगमा नेपाल रेडक्रस सोसाइटी उपशाखा, बाजुराको नाममा रहेको सो एम्बुलेन्स कोभिड–१९ सङ्क्रमितहरुलाई अस्पताल ल्याउन र लैजानका लागि जिल्ला प्रशासन कार्यालय, बाजुराले मर्मत गरेर सञ्चालनमा लाइएको थियो ।
एम्बुुलेन्समा तोडफोड गर्नेलाई कानुनी कार्वाही गर्न प्रशासनलाई अनुरोध गरिएको नेपाल रेडक्रस सोसाइटी, बाजुराका सभापती रामबहादुर शाहीले बताउनु भयो ।
