कविलासी नगरपालिका–१० सलेमपुर वडा कार्यालयमा कार्यरत सचिव ३४ वर्षीय रोशन कुमार महतोलाई ०८३ जेठ १८ गते कुटपिट गरेको आरोपमा सोही वडाका ३८ वर्षीय राकेश कुमार यादव र ४२ वर्षीय विवेक कुमार यादवविरुद्ध पीडितले जेठ २७ गते जिल्ला प्रहरी कार्यालय मलंगवामा उजुरी दिनुभएको छ ।
वन कार्यालय सागरनाथबाट दाउरा लिन सिफारिसका लागि वडा कार्यालयमा आएका आरोपितहरुसँग आवश्यक कागजात अपुग भएको विषयमा विवाद भएपछि उनीहरुले दुर्व्यवहार गर्नुका साथै कुटपिट समेत गरेको पीडितले आरोप लगाउनु भएको छ ।
घटना सम्बन्धमा अनुसन्धान भइरहेको जिल्ला प्रहरी कार्यालय मलंगवाका डिएसपी बेदप्रसाद गौतमले जानकारी दिनुभयो ।