१५ वर्षीया बालिकालाई बलात्कार गरेको कसुरमा जिल्ला अदालतले ईश्वरपुर नगरपालिका–३ का २४ वर्षीय सुरज कार्कीलाई ०८२ मङ्सिर १६ गते नौ वर्ष कैद सजायको फैसला गरेको छ ।
जिल्ला अदालतका न्यायाधीश पुष्पराज थपलियाको इजलासले आरोपितलाई कसुरदार ठहर गर्दै नौ वर्ष कैद सजाय र ३५ हजार रुपियाँ पीडितलाई क्षतिपूर्ति दिने गरी मुद्दाको फैसला गरेको जिल्ला अदालतका श्रेस्तेदार ज्ञान बहादुर खत्रीले जानकारी दिनु भयो ।
बालिकालाई आरोपितले ०८० मङ्सिर २ गते बलात्कार गरेको भन्दै पीडित पक्षले मङ्सिर २७ गते जिल्ला प्रहरी कार्यालय मलंगवामा उजुरी दिएको थियो ।
पीडित बालिकाको स्वास्थ्य परीक्षण मङ्सिर २९ गते सर्लाही जिल्ला अस्पताल मलंगवामा गरिएको छ ।