१४ वर्षीया बालिकालाई बलात्कार गरेको कसुरमा घोराही उपमहानगरपालिका–१९ का २६ वर्षीय राजकुमार सार्कीलाई जिल्ला अदालतले १० वर्ष कैद गर्ने फैसला गरेको छ ।
जिल्ला अदालतका न्यायाधीश लालसिंह थापाको ०८२ जेठ ८ गतेको इजलासले कसुर ठहर गर्दै १० वर्ष कैद सजाय र ३० हजार रुपियाँ जरिबाना गर्ने फैसला गरेको अदालतलका स्रेष्तेदार दामोदर घिमिरेले जानकारी दिनुभयो ।
सार्कीले ०८१ कात्तिक १० गते बलात्कार गरेको भन्दै पीडित पक्षले कात्तिक ११ गते जिल्ला प्रहरी कार्यालयमा उजुरी दिएका थिए । पीडितको स्वास्थ्य परीक्षण कात्तिक ११ गते राप्ती स्वास्थ्य विज्ञान प्रतिष्ठानमा भएको थियो । प्रहरीले सार्कीलाई कात्तिक ११ गते गिरफ्तार गरेको थियो ।