१९ वर्षीया महिलालाई बलात्कार गरेको कसुरमा बनगाड कुपिन्डे नगरपालिका–९, सल्यानका ३८ वर्षीय कुलबहादुर बस्नेतलाई जिल्ला अदालतले १० वर्ष कैद गर्ने फैसला गरेको छ ।
जिल्ला अदालतका न्यायाधीश प्रतिमाकुमारी भट्राइको ०८२ जेठ ८ गते इजलासले कसुर ठहर गर्दै १० वर्ष कैद सजाय, ५ लाख रुपियाँ जरिबाना, २५ हजार रुपियाँ क्षतिपूर्ति र २० हजार रुपियाँ पीडित राहत कोषमा जम्मा गर्ने फैसला गरेको अदालतका सूचना अधिकारी गोकर्ण वलीले जानकारी दिनुभयो ।
बस्नेतले ०८० चैत १९ गते बलात्कार गरेको भन्दै पीडित पक्षले चैत २१ गते इलाका प्रहरी कार्यालय, तुलसीपुरमा उजुरी दिएका थिए । पीडितको स्वास्थ्य परीक्षण चैत २१ गते राप्ती प्रादेशिक अस्पताल तुलसीपुरमा भएको थियो । प्रहरीले बस्नेतलाई चैत २१ गते गिरफ्तार गरेको थियो ।