नाै वर्षीया बालिकालाई यौन दुर्व्यवहार गरेको आरोपमा अदालतबाट सजाय सुनाइएका वीरेन्द्रनगर नगरपालिका–१ का २१ वर्षीय सुरेशकुमार बुढालाई प्रहरीले चैत २१ गते गिरफ्तार गरेको छ ।
बालिकालाई ०७९ असार २ गते यौन दुर्व्यवहार गरेको भन्दै बालिकाका आफन्तले ०७९ असार १० गते जिल्ला प्रहरी कार्यालयमा उजुरी दिएका थिए । प्रहरीले असार ११ मा गिरफ्तार गरेपछि ०७९ साउन ०४ गते आरोपितलाई जिल्ला अदालतले ५० हजार रुपियाँ धरौटीमा छोडेको थियो ।
जिल्ला अदालतका न्यायाधीश मनोजकुमार श्रेष्ठको जेठ १२ गते इजलासले आरोपितलाई दुई महिना नौ दिन कैद सजाय तोकेका थियो । त्यस लगत्तै आरोपित फरार भएका थिए । आरोपितलाई गिरफ्तार गरी कैद भुक्तानको लागि चैत २२ गते जिल्ला अदालतमा पेश गरिएको जिल्ला प्रहरी कार्यालय सुर्खेतका इन्स्पेक्टर कृष्णबहादुर खड्काले जानकारी दिनुभयो ।
पीडित बालिकाको स्वास्थ्य परीक्षण ०७९ असार १० गते प्रदेश अस्पतालमा भएको थियो ।