२३ वर्षीया महिलालाई बलात्कार गरेको आरोपमा सर्केगाड गाउँपालिका–१ जैरका २५ वर्षीय आनन्द धामीविरुद्ध जिल्ला प्रहरी कार्यालयमा पुस १२ गते उजुरी दर्ता भएको छ ।
जैर गाउँमा पुस ७ गते बलात्कार गरेको भन्दै पीडित पक्षले पुस ११ गते प्रहरीमा उजुरी गरेको जिल्ला प्रहरी कार्यालयका इन्स्पेक्टर राजन प्रसाद भट्टराईले जानकारी दिनुभयो ।
पीडितको उजुरीका आधारमा आरोपित विरुद्ध जबरजस्ती करणी उद्योगमा मुद्दा दर्ता गरी हाल आरोपितको खोजी कार्य भइरहेको इन्स्पेक्टर भट्टराईले बताउनुभयो ।
पीडितको स्वास्थ्य परीक्षण पुस १२ गते जिल्ला अस्पतालमा भएको डा. रोसन रावतले जानकारी दिनुभयो ।