१३ वर्षीया बालिकालाई सुखिपुर नगरपालिका–६ का २२ वर्षीय रामकुमार रामले बलात्कार गरेको कसुर ठहर गर्दै जिल्ला अदालत सिरहाले ११ वर्ष कैद र ५० हजार रुपियाँ जरीवानाको फैसला ०८० पुस ४ गते गरेको छ ।
जिल्ला अदालतका न्याधिश मनोज केसीको एकल इजलासले सो फैसला गरेको हो ।
आरोपितले बालिकालाई ०७७ जेठ १७ गते बलात्कार गरेको आरोपमा पीडित परिवारले जिल्ला प्रहरी कार्यालय सिरहामा ०७९ जेठ १८ गते उजुरी दिएका थिए । साही दिन बालिकाको स्वास्थ्य परीक्षण जिल्ला अस्पताल सिरहामा भएको थियो ।
जिल्ला प्रहरी कार्यालयले आरोपितलाई जेठ १८ गते गिरफ्तार गरेको थियो भने आरोपित जिल्ला अदालतको आदेशमा असार २ गते देखि पुर्पक्षका लागि थुनामा रहेका थिए ।