३२ वर्षीया महिलालाई बलात्कार गरेको आरोपमा मलङ्गवा नगरपालिका–३ का ३४ वर्षीय मो. सलिम मिकरानीविरुद्धको मुद्दा सर्लाही जिल्ला अदालतले ०८० असार २१ गते मुल्तबीमा राख्ने फैसला गरेको छ ।
जिल्ला अदालतमा ०७९ भादो ९ गते दायर भएको मुद्दामा न्यायाधिश कविप्रसाद न्यौपानेको इजलासले मुल्तबीमा राख्ने फैसला गरेको अदालतका श्रेस्तेदार विश्वनाथ आर्यालले जानकारी दिनुभयो ।
पीडित महिलालाई आरोपितले ०७९ असार ६ गते बलात्कार गरेको भन्दै पीडित पक्षले जिल्ला प्रहरी कार्यालय मलङ्गवामा साउन ३ गते उजुरी दिनु भएको थियो । जिल्ला प्रहरी कार्यालयले साउन ५ गते उजुरी दर्ता गरेको थियो । पीडित महिलाको स्वास्थ्य परीक्षण साउन ६ गते जिल्ला अस्पताल मलङ्गवामा गरिएको थियो ।
आरोपित मिकरानीले हालसम्म पक्राउ नपरेको जिल्ला अदालतका श्रेस्तेदार अर्यालले जानकारी दिनुभयो ।