३४ वर्षीया महिलालाई बलात्कार गरेको आरोपमा मलङ्गवा नगरपालिका–३ का ३९ वर्षीय रहमत धुनियाविरुद्धको मुद्दा सर्लाही जिल्ला अदालतले ०८० असार १३ गते मुल्तबीमा राख्ने फैसला गरेको छ ।
जिल्ला अदालतमा ०७८ माघ २५ गते दायर भएको मुद्दामा जिल्ला न्यायाधिश कमल प्रसाद पोखरेलको इजलासले मुल्तबीमा राख्ने फैसला भएको जिल्ला अदालतका श्रेस्तेदार विश्वनाथ आर्यालले जानकारी दिनु भयो ।
पीडित महिलालाई आरोपितले ०७८ पुस ६ गते बलात्कार गरेको भन्दै पीडित पक्षले जिल्ला प्रहरी कार्यालय मलङ्गवामा माघ ३ गते उजुरी दिनु भएको थियो । जिल्ला प्रहरी कार्यालयले माघ १३ गते उजुरी दर्ता गरेको थियो । पीडित महिलाको स्वास्थ्य परीक्षण माघ १४ गते जिल्ला अस्पताल मलङ्गवामा गरिएको थियो ।
आरोपित धुनियाले हालसम्म पक्राउ नपरेको जिल्ला अदालतका श्रेस्तेदार अर्यालले जानकारी दिनुभयो ।