मिर्चैया नपा–५ का ४० वर्षीय औषधि व्यवसाय रामसागर साफीलाई गोली प्रहार गरेको आरोपमा इलाका प्रहरी कार्यालय मिर्चैयाले मिर्चैया नपा–६ का ४२ वर्षीय सुर्यदेव साफी, सोही ठाउँका २३ वर्षीय रोहित साफी र गोलबजार नपा–११ का ४५ वर्षीय मोहमद हकिम फकिरलाई जेठ ३१ गते गिरफ्तार गरेको छ ।
आरोपितहरूले जेठ २२ गते साँझ मिर्चैया बजारमा सिद्दी मेडिकोका सञ्चालक साफीमाथि गोली प्रहार गरेको र अनुसन्धाबाट पीडितका दाजु सुर्यदेवको संलग्नता खुलेकाले जेठ ३१ गते पीडितबाट किटानी जाहेरी लिएर गिरफ्तार गरी अनुसन्धानका लागि म्याद थप गराइएको जिल्ला प्रहरी कार्यालय सिरहाका डिएसपी शालिग्राम शर्माले बताउनु भयो ।
बायाँ तिघ्रा र बायाँ कुहिनामा गोली लागी घाइते भएका साफीको मिर्चैया स्थित मङ्गलम अस्पतालमा उपचार भएको डिएसपी शर्माले बताउनु भयो ।