भोजपुर नगरपालिका –११ आम्तेकका ८८ वर्षीय वृद्धा दलबहादुर राईको हत्या गरेको आरोपमा प्रहरीले ५५ वर्षीय छोरा हरिबहादुर राईलाई माघ १४ गते प्रहरीले गिरफ्तार गरेको छ ।
आरोपितले ५६ वर्षीया कान्छी आमा कर्णशोभा राईसँग मिलेर असोज २५ गते ८८ वर्षीय बाबुको हत्या गरेको आरोपमा गिरफ्तार गरेको जिल्ला प्रहरी कार्यालयका डिएसपी नरबहादुर सलामी मगरले बताउनुभयो ।
आरोपितद्धयले पाँच हजार रूपियाँ दिएर शव फाल्न स्थानीय सन्तोष विक र नारायण विकलाई लगाएपछि अनुसन्धानका क्रममा हत्या भएको खुलेकाले गिरफ्तार गरिएको डिएसपी मगरले बताउनुभयो ।
दलबहादुरको शव सडिएको अवस्थामा टारबारी खोलामा फेला परेको थियो । शवको पोष्टमार्टम मङ्सिर १ गते जिल्ला अस्पतालमा भयो ।