२४ वर्षीया युवतीलाई बलात्कार गरेको कसुरमा आठबीस नपा–५ तिलेपाटाका २२ वर्षीय आदर्श शाहीलाई जिल्ला अदालत, दैलेखले पुस १५ गते सात वर्ष कैद र पीडितलाई २५ हजार रुपियाँ क्षतिपूर्ति तिर्नुपर्ने फैसला गरेको छ ।
जिल्ला न्यायाधीश दण्डपाणी लामिछानेको इजलासले सो फैसला गरेको अदालतका सूचना अधिकारी विनोद आचार्यले जानकारी दिनुभयो ।
पीडित युवतीलाई आरोपितले ०७६ वैशाख २५ गते बलात्कार गरेको भन्दै पीडित पक्षले वैशाख २६ गते जिल्ला प्रहरी कार्यालय दैलेखमा उजुरी दिएको थियो ।
उजुरीपछि आरोपितलाई प्रहरीले वैशाख २६ गते नै गिरफ्तार गरेको थियो । पीडित युवतीको स्वास्थ्य परीक्षण वैशाख २६ गते जिल्ला अस्पताल दैलेखमा भएको थियो ।