ढुङ्गा प्रहार गरी एक महिलाको हत्या, पतिसहित दुई जना गिरफ्तार

वाणगङ्गा नपा–८ बालापुरकी २० वर्षीया सुनिता थारुलाई वैशाख १५ गते राति ढुङ्गा प्रहार गरी हत्या गरेको प्रहरीले जनाएको छ ।
प्रहरीले अनुसान्धानका लागि मृतकका २१ वर्षीय पति सुरेश थारु र उनका साथी २२ वर्षीय नविन थारुलाई प्रहरीले वैशाख १६ गते गिरफ्तार गरेको प्रहरीले जनाएको छ ।
मृतकको वाणगङ्गा नदीस्थित मधौलीया जाने पानीको कुलोको मुहान नजिक ढुङ्गाले किचेको अवस्थामा शव फेला परेको इलाका प्रहरी कार्यालय पिपराका इन्स्पेक्टर चन्द्रबहादुर केसीले बताए  ।
शवको पोष्टमार्टम जिल्ला अस्पताल तौलिहवामा वैशाख १६ गते गरिएको प्रहरीले जनाएका छ । घटनाका बारेमा कसैले उजुरी दिएको छैन ।