आठराई गाउँपालिका–६ सीमखर्ककी ५१ वर्षीया रूपा लिम्बूको घरायसी विवादका क्रममा साउन ६ गते हत्या गरेको आरोपमा प्रहरीले काका ससुरा ३८ वर्षीय कृष्णबहादुर लिम्बूलाई साउन ७ गते गिरफ्तार गरेको छ ।
घरायसी विवादका क्रममा ०८३ साउन ६ गते बुहारीलाई खुकुरी प्रहार गरी हत्या गरेर फरार भएका आरोपितलाई पाँचथरको हिलिहाङ गाउँपालिका–५ सुम्लिबुङमा लुकिछिपी बसेको अवस्थामा साउन ७ गते गिरफ्तार गरिएको प्रहरीले जनाएको छ ।
आरोपित लुकिछिपी बसेको सूचनाका आधारमा अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी अनिश कर्णले बताउनु भयो ।
आरोपितलाई जिल्ला प्रहरी कार्यालय, तेहृथुम पठाइएको प्रहरीले जनाएको छ ।
शवको पोष्टमार्टम जिल्ला अस्पताल, म्याङलुङमा साउन ७ गते गर्ने तयारी गरिएको छ ।