३२ वर्षीया महिलालाई बलात्कार गरेको कसुरमा जिल्ला अदालत पाल्पाले माथागढी गाउँपालिका–१ चिदीपानीका १९ वर्षीय रेमबहादुर ठाडालाई चार वर्ष १५ दिन कैदको फैसला गरेको छ ।
जिल्ला अदालतका न्यायाधीश हरिप्रसाद शर्मा उपाध्यायको असार २५ गतेको इजलासले आरोपितलाई आंशिक कसुर ठहर गर्दै ४ वर्ष १५ महिना कैद र ३ हजार रुपियाँ जरिवाना, २ सय रुपियाँ पीडित राहत कोषमा जम्मा गर्ने फैसला गरेको जिल्ला अदालतका श्रेस्तेदार केशव पराजुलीले बताउनु भयो ।
आरोपितले पीडितलाई ०८२ फागुन ५ गते बलात्कार गरेको भन्दै पीडित पक्षले फागुन ९ गते जिल्ला प्रहरी कार्यालय पाल्पामा उजुरी दिएका थिए । प्रहरीले आरोपितलाई फागुन १० गते घरबाटै गिरफ्तार गरेको थियो ।
जिल्ला अदालत पाल्पाका न्यायाधिश हरिप्रसाद शर्मा पंगेनी उपाध्यायको ०८२ चैत ४ गते आदेशले आरोपितलाई पर्पुक्षका लागि थुनामा पठाएको थियो । पीडितको स्वास्थ्य परीक्षण फागुन ९ गते पाल्पा अस्पतालमा गरिएको थियो ।