२२ वर्षीया महिलालाई अपहरण गरी शरिर बन्धक बनाई सामूहिक बलात्कार गरेको कसुरमा जिल्ला अदालतले लालबन्दी नगरपालिका–७ का २४ वर्षीय ओजिर कवारी भनिने बजीर आलम र मलंगवा नगरपालिका–६ खुटौनाका २७ वर्षीय अभिनास जयसवाललाई ०८३ जेठ २६ गते सात वर्ष कैद सजायको फैसला गरेको छ ।
जिल्ला अदालतका न्यायाधीश जीवन कुमार भण्डारीको इजलासले आरोपितहरुलाई कसुरदार ठहर गर्दै सात/सात वर्ष कैद सजाय र २५ हजार रुपियाँ पीडितलाई क्षतिपूर्ती दिने गरी मुद्दाको फैसला गरेको जिल्ला अदालतका स्रेस्तेदार ज्ञानबहादुर खत्रीले जानकारी दिनुभयो ।
आरोपितहरुले ०८१ भदौ २ अपहरण गरी सामुहिक बलात्कार गरेको भन्दै पीडितले भदौ २६ गते जिल्ला प्रहरी कार्यालय मलंगवामा उजुरी दिएकी थिइन् । पीडितको स्वास्थ्य परीक्षण ०८१ भदौ २७ गते सर्लाही जिल्ला अस्पताल मलंगवामा भएको थियो ।