खडक नगरपालिका–९ लालपट्टीका १४ वर्षीय धर्मेन्द्रकुमार साहको सोही नगरपालिका–७ कल्याणपुरस्थित फुलेश्वर पब्लिक इङ्ग्लिस बोर्डिङ स्कुलको होस्टलमा मृत्यु भएको भन्दै प्रहरीले दुई जनालाई ०८२ चैत १८ गते गिरफ्तार गरेको छ ।
खडक नगरपालिका–१० का ४९ वर्षीय विद्यालय सञ्चालक धीरेन्द्रप्रसाद चौधरी र सिरहाको लहान नगरपालिका–२० का ४१ वर्षीय कर्मचारी (पाले) भोला मण्डललाई प्रहरीले गिरफ्तार गरेको हो । डीएसपी डम्बरबहादुर पुरीका अनुसार आत्महत्या दुरुत्साहन कसुरमा धीरेन्द्रप्रसाद चौधरी, भोला मण्डल सहित ४५ वर्षीया शोभा चौधरी र २४ वर्षीया रविना चौधरीविरुद्ध मृतकका बुबा ४४ वर्षीय तिलाई साह तेलीले इलाका प्रहरी कार्यालय कल्याणपुरमा चैत १८ गते उजुरी दिएका थिए। विद्यालयको होस्टल कोठाको फलामे भेन्टिलेसनमा चैत ७ गते दिउँसो १२ बजे धर्मेन्द्र झुन्डिएको अवस्थामा मृत फेला परेका थिए। मृतकको शव चैत ८ गते वीपी कोइराला स्वास्थ्य विज्ञान प्रतिष्ठान धरानमा पोष्टमार्टम गरी परिवारलाई बुझाइएको प्रहरीले जनाएको छ ।