शैल्यशिखर नगरपालिका–८ देबलमा ७१ वर्षीया लक्ष्मी जोशीको ०८२ माघ २६ गत राति हत्या गरेको आरोपमा प्रहरीले शैल्यशिखर नगरपालिका–९ बस्कोटका २४ वर्षीय उमेश साउद र बैतडी जिल्ला डिलासैनी गाउँपालिका– ५ लठ्ठेकोठ घर भएका २४ वर्षीय गोपाल नाथलाई फागनु १ गते गिरफ्तार गरेको छ ।
बृद्धाको घरमै हत्या गरी उहाँले लगाएका गरगहना लुटपाट गरेको प्रारम्भिक अनुन्धानबाट खुल्न आएकोले आरोपितहरुलाई गिरफ्तार गरी अनुसन्धान भइरहेको जिल्ला प्रहरी कार्यालय, दार्चुलाका इन्स्पेक्टर हेमराज भट्टले बताउनु भयो ।
आरोपितहरुले मृतकबाट लुटपाट गरी लगेका दुई थान सुन जस्तो देखिने कानको मुन्द्री, एक थान नाकको मुन्द्री र एक थान नाकको फुली गहनाहरु समेत बरामद गरिएको इन्स्पेक्टर भट्टले बताउनु भयो ।
बृद्धाको हत्या गरी घरपछाडि फालिएको अवस्थामा माघ २७ गते शव भेटिएको थियो । शवको पोष्टमार्टम माघ २८ गते गोकुलेश्वर अस्पताल, दार्चुलामा गरी सोही दिन आफन्तहरुले दाहसस्कार गरेको इन्स्पेक्टर भट्टले बताउनु भयो ।