बर्दियामा गोली प्रहारबाट एकजनाको मृत्यु भएको छ । बर्दियाको राजापुर, ४ हमार थारू घर एण्ड रेष्टुरेन्टमा गोली प्रहारबाट दाङ तुलसीपुर ६ निवासी २८ वर्षीय निरज चौधरीको मंसिर २१ मृत्यु भएको हो ।
दाङ तुलसीपुर उपमहानगरपालिका- ६ का ५१ वर्षीय महाविर चौधरीले चलाएको गोलीबाट चौधरीको मृत्यु भएको अनुमान गरेको जिल्ला प्रहरी कार्यालयका प्रहरी निरीक्षक प्रकाशसिंह कार्कीले जानकारी दिए । मृतकको पोस्टमार्टम भेरी अस्पताल नेपालगन्जमा मंसिर २३ गते भएको छ ।
गोली प्रहारबाट घाइते भएका चौधरीलाई उपचारका लागि भन्दै हमार थारू घर एण्ड रेष्टुरेन्टको संचालन रामकुमारी थारूले उपचारका लागि नेपालगञ्ज नर्सिङ होममा लगेको थिइन् । उपचार गर्न लगिएको चौधरीलाई चिकित्सकले मृत्युु भएको जनाएका थिए । घटनाका आरोपित रहेका महाबिर चौधरीले उपचारका लागि लैजाउ भनेर रामकुमारीलाई अस्पताल पठाएर आफू फरार भएका थिए ।
घटना स्थलमा प्रहरीले बन्दुकको खोका समेत फेला पारेको थियो ।