२६ वर्षीया अपाङ्गता भएकी महिलालाई बलात्कार गरेको आरोपमा जिल्ला अदालत अर्घाखाँचीले सन्धिखर्क नगरपालिका–१२ कल्लाबोटका ६३ वर्षीय गोपाल भन्ने गोविन्द प्रसाद बस्याललाई जन्मकैद सजायको फैसला गरेको छ ।
जिल्ला अदालतका न्यायाधिश श्री शिवलाल पाण्डेयको ०८२ मङ्सिर २ गतेको इजलाशले आरोपितलाई कसुर ठहर गर्दै जन्मकैद सजाय, ७ लाख रुपियाँ जरिबाना पीडितलाई क्षतिपूर्ति भराउने र २८ हजार रुपियाँ पीडित राहत कोषमा जम्मा हुने फैसला भएको जिल्ला अदालतका नायब सुब्बा अशोक भण्डारीले जानकारी दिनु भयो ।
आरोपितले महिलालाई ०८० पुस महिनाको दोस्रो हप्ता बलात्कार गरेको भन्दै पीडित पक्षले ०८१ जेठ ३२ गते जिल्ला प्रहरी कार्यालय सन्धिखर्कमा उजुरी दिएका थिए । पीडित महिलाले ०८१ कात्तिक २७ गते बच्चा जन्माएकी थिइन । घटनापछि फरार रहेका आरोपित बस्याललाई प्रहरीले ०८१ फागुन १८ गते गिरÏतार गरेको थियो । पीडित महिलाको स्वास्थ्य परीक्षण ०८१ जेठ ३२ गते अर्घाखाँची जिल्ला अस्पताल सन्धिखर्कमा गरिएको थियो ।