कोटेली गाविस स्तरीय मानव अधिकार निगरानी सञ्जालका अध्यक्ष ३७ वर्षीय शेरबहादुर साउदलाई खुकुरी प्रहार गरी हत्या गरेको आरोपमा सोही ठाउँका २४ वर्षीय भिमबहादुर भूललाई प्रहरीले फागुन ८ गते गिरफ्तार गरेको छ ।
खानेपानीको विषयमा भएको सामान्य विवाद पश्चात आरोपित भूलले फागुन ८ गते बिहान खुकुरी प्रहार गर्दा साउदको ज्यान गएको जिल्ला प्रहरी कार्यालय डडेल्धुराले जनाएको छ ।
खुकुरी प्रहारबाट गम्भीर घाइते भएका शेरबहादुरको उपचारका लागि उपक्षेत्रीय अस्पताल डडेल्धुरामा ल्याउने क्रममा बाटोमै ज्यान गएको हो ।
आरोपितले खुकुरी लुकाएर ल्याएको र सिधै आक्रमण गरेको जिल्ला प्रहरी कार्यालय डडेल्धुराले जनाएको छ ।
शवको पोष्टमार्टमका लागि उपक्षेत्रीय अस्पताल डडेल्धुरामा नै प्रक्रिया अघि बढाइएको छ ।