आत्महत्याका लागि दुरुत्साहन गरेको कसुरमा १० महिना कैद फैसला

६५ वर्षीया सासु खगिसरा सुनारलाई आत्महत्या गर्न दुरुत्साहन गरेको कसुरमा नौमूले गाउँपालिका–५ नौलाथरकी २९ वर्षीया मनसरा सुनारलाई जिल्ला अदालत, दैलेखले १० महिना कैदको फैसला गरेको छ ।
जिल्ला न्यायाधीश दण्डपाणी लामिछानेको पुस १८ गतेको इजलासबाट सो फैसला भएको दैलेख जिल्ला अदालतका सुचना अधिकारी बिनोद आचार्यले जानकारी दिनुभयो ।
सासु–बुहारीको सामान्य विवादपछि खगिसराले ०७५ फागुन १३ गते झुण्डिएर आत्महत्या गरेपछि मनसराका पति ३१ वर्षीय कविराम सुनारले फागुन ३० गते जिल्ला प्रहरी कार्यालय, दैलेखमा दिएको उजुरीका आधारमा प्रहरीले आरोपितलाई चैत १ गते गिरफ्तार गरेको थियो ।
शव पोष्टमार्टम फागुन १४ गते जिल्ला अस्पताल, दैलेखमा भएको थियो ।