३३ वर्षीया महिलाको अश्लील भिडियो रेकर्ड गरेको कसुरमा बर्दिया जिल्ला अदालतले बढैयाताल गाउँपालिका–६ का २२ वर्षीय अविनाश थारूलाई तीन महिना कैद सजायको फैसला गरेको छ ।
जिल्ला अदालतका न्यायाधीश मनोज श्रेष्ठको ०८२ मंसिर २३ गतेको इजालसले कसुर ठहर गर्दै ३ महिना कैद सजाय, ३ हजार रुपियाँ जरिबाना, दुई रुपियाँ क्षतिपूर्तिको फैसला गरेको जिल्ला अदालतका श्रेस्तेदार कमल घलेले जानकारी दिनुभयो ।
जिल्ला सरकारी वकिल कार्यालय बर्दियाले ०८२ कात्तिक १२ गते बर्दिया जिल्ला अदालतमा अश्लिल भिडियो रेकर्ड गरेको अभियोगमा मुद्दा दर्ता गरेको थियो ।
महिलाको ०८२ असोज १८ गते अश्लिल भिडियो रेकर्ड गरेको भन्दै पीडितपक्षले असोज १९ गते इलाका प्रहरी कार्यालय मैनापोखरमा उजुरी दिएका थिए । घटनाका आरोपितलाई प्रहरीले असोज २० गते गिरफ्तार गरेको थियो ।