पञ्चेश्वर गाउँपालिका–४ बर्तोलाकी २७ वर्षीया ईन्द्रा चन्दलाई हसिया प्रहार गरी घाइते बनाएको आरोपमा प्रहरीले उनका २८ वर्षीय पति सुरेन्द्र चन्दलाई असोज २९ गते गिरफ्तार गरेको छ ।
पारिवारीक विवाद हुँदा पत्नीको कम्मरमा हसिया प्रहार गरी घाइते बनाएको आरोपमा उनलाई गिरफ्तार गरिएको जिल्ला प्रहरी कार्यालय बैतडीका इन्स्पेक्टर कान्तिराज जोशीले बताए ।
घाइते ईन्द्राको उपचार स्थानीय सैलोडा स्वास्थ्य चौकीमा भइरहेको र आरोपितलाई हिरासतमा राखी घटनासम्बन्धी थप अनुसन्धान भइरहेको जिल्ला प्रहरी कार्यालय बैतडीले जनाएको छ ।