१३ वर्षीया बालिकालाई बलात्कार गरेको कसुरमा जिल्ला अदालत रुपन्देहीले सियारी गाउँपालिका–६, गिदलियाका २४ वर्षीय गोपाल थारुलाई १८ वर्ष कैद सजाय गर्ने फैसला गरेको छ ।
जिल्ला अदालतका न्यायाधीश अशोक कुमार बस्नेतको वैशाख १४ गतेको इजलासले कसुर ठहर गर्दै थारुलाई १८ वर्ष कैद सजाय, ७ लाख रुपियाँ क्षतिपूर्ति, ७५ हजार रुपियाँ जरिबाना र २८ हजार रुपियाँ पीडित राहत कोषमा जम्मा गर्ने फैसला गरेको अदालतका स्रेस्तेदार यज्ञमूर्ति ज्ञवालीले जानकारी दिनुभयो ।
थारुले ०८० भदौ २३ गते बलात्कार गरेको भन्दै पीडित पक्षले भदौ २४ गते जिल्ला प्रहरी कार्यालयमा उजुरी दिएका थिए । पीडितको स्वास्थ्य परीक्षण भदौ २४ गते भिम अस्पताल, भैरहवामा भएको थियो । प्रहरीले आरोपितलाई भदौ २४ गते गिरफ्तार गरेको थियो ।