१३ वर्षीया बालिकालाई ०८० कात्तिक ११ गते बाल यौन दुर्व्यवहार गरेको कसुरमा खैरहनी नगरपालिका–९ का २४ वर्षीय निर्मल ढुङ्गेललाई चितवन जिल्ला अदालतका न्यायधीश रमेश ज्ञवालीको इजलासले फागुन २७ गते ३ महिना कैद, ३० हजार क्षतिपूर्ति र ५० हजार जरिवाना भराउने फैसला गरेको चितवन अदालतका सूचना अधिकारी अमृत विकले बताउनुभयो ।
पीडित पक्षले कात्तिक १२ गते ढुङ्गेलविरुद्ध इलाका प्रहरी कार्यालय खैरहनीमा उजुरी दिएका थिए । कात्तिक १७ गते गिरफ्तार भएका कसुरदार ढुङ्गेले जिल्ला अदालतको मङ्सिर ३ गते आदेशले पूर्पक्षका लागि थुनामा गएका थिए ।