७६ वर्षीया ज्येष्ठ नागरिक महिलालाई बलात्कार गरेको कसुरमा जिल्ला अदालतले बौदिकाली गाउँपालिका–१ का ४१ वर्षीय तिलबहादुर माकिम मगरलाई सात वर्ष कैद सजायको फैसला गरेको छ ।
जिल्ला अदालतका न्यायाधीस प्रकाश कोइरालाको फागुन १३ गतेको इजलासले कसुर ठहर गर्दै सात वर्ष कैद, ३ लाख रुपियाँ जरिबाना र पीडितलाई २५ हजार रुपियाँ क्षतिपूर्ति भराउने फैसला गरेको अदालतका सूचना अधिकारी सरिता अर्यालले जानकारी दिनुभयो ।
ज्येष्ठ नागरिक महिलालाई ०८० चैत १ गते बलात्कार गरेको भन्दै पीडित पक्षले जिल्ला प्रहरी कार्यालयमा चैत २ गते उजुरी दिएका थिए । प्रहरीले आरोपितलाई चैत ३ गते उनकै घरबाट गिरफ्तार गरेको थियो ।