११ वर्षीया बालिकालाई यौन दुर्व्यवहार गरेको कसुरमा जिल्ला अदालतले चामुण्डाबिन्द्रासैनी नगरपालिका–२, चाल्नेचौताराका ३७ वर्षीय खगेन्द्र अधिकारीलाई नौ वर्ष कैद सजायको फैसला गरेको छ ।
जिल्ला अदालतका न्यायाधीश कुलप्रसाद पाण्डेको ०८१ माघ २१ गतेको इजलासले दोषी ठहर गर्दै अधिकारीलाई नौ वर्ष कैद सजाय र ३ लाख ५० हजार रुपियाँ जरिबाना भराउने फैसला गरेको जिल्ला अदालतका श्रेस्तेदार उपसचिव मल्लले जानकारी दिनुभयो ।
अधिकारीले ०८० कात्तिक ८ गते यौन दुर्व्यवहार गरेको भन्दै पीडित पक्षले कात्तिक १४ गते जिल्ला प्रहरी कार्यालयमा उजुरी दिएको थियो । पीडितको स्वास्थ्य परीक्षण कात्तिक १४ गते जिल्ला अस्पतालमा भएको थियो । प्रहरीले अधिकारीलाई कात्तिक १४ गते गिरफ्तार गरेको थियो ।