राजपुर गाउँपालिका–१ की ३७ वर्षीया बसन्ती घर्तीको रड प्रहार गरी हत्या गरेको कसुरमा पति ३८ वर्षीय गणेश घर्तीलाई जिल्ला अदालतले १० वर्ष कैद सजायको फैसला गरेको छ ।
जिल्ला अदालतका न्यायाधीश राजेश्वर अर्यालको माघ १९ गतेको इजलासले दोषी ठहर गर्दै घर्तीलाई १० वर्ष कैद सजाय र १ लाख रुपियाँ जरिबाना भराउने फैसला गरेको अदालतका स्रेस्तेदार दामोदर घिमिरेले बताउनु भयो ।
घरायसी विवादका कारण पत्नीलाई घर्तीले साउन १३ गते राति घरमै सुतिरहेको अवस्थामा रड प्रहार गरी हत्या गरेको भन्दै पीडित पक्षले साउन १४ गते इलाका प्रहरी कार्यालय, गढवामा उजुरी दिएको थियो । शवको पोष्टमार्टम साउन १४ गते लमही अस्पतालमा, लमहीमा भएको थियो ।