आठ वर्षीया बालिकालाई यौन दुर्व्यवहार गरेको कसुरमा जिल्ला अदालतले बढैयाताल गाउँपालिका–६ का ५२ वर्षीय ढाकाराम त्रिपाठीलाई तीन महिना कैद सजायको फैसला गरेको छ ।
जिल्ला अदालतका न्यायाधीश मनोज श्रेष्ठको ०८१ पुस १६ गतेको इजालसले कसुर ठहर गर्दै तीन महिना कैद सजाय, ५ हजार रुपियाँ जरिबाना, ५० हजार रुपियाँ क्षतिपूर्ति र २ सय रुपियाँ पीडित राहत कोषमा भराउने फैसला गरेको जिल्ला अदालतका श्रेस्तेदार कपिल पौड्यालले जानकारी दिनुभयो ।
बालिकालाई ०८० चैत १९ गते यौन दुर्व्यवहार गरेको भन्दै पीडित पक्षले चैत्र २२ गते इलाका प्रहरी कार्यालय, मैनापोखरमा उजुरी दिएको थियो । पीडितको स्वास्थ्य परीक्षण चैत्र २२ गते बर्दिया अस्पताल, गुलरियामा भएको थियो ।