आठ वर्षीया बालिकालाई यौन दुर्व्यवहार गरेको कसुरमा जिल्ला अदालतले ४३ वर्षीय सानो हजुरबुबालाई आठ महिना कैद सजायको फैसला गरेको छ ।
जिल्ला अदालतका न्यायाधीश डल्लुराम चौधरीको ०८१ पुस ९ गतेको इजालसले कसुर ठहर गर्दै आठ महिना कैद सजाय, २५ हजार रुपियाँ जरिबाना, १० हजार रुपियाँ क्षतिपूर्ति र ४ सय रुपियाँ पीडित राहत कोषमा भराउने फैसला गरेको जिल्ला अदालतका श्रेस्तेदार कपिल पौड्यालले जानकारी दिनुभयो ।
बालिकालाई ०८० भदौ २१ गते यौन दुर्व्यवहार गरेको भन्दै पीडित पक्षले चैत्र २१ गते इलाका प्रहरी कार्यालय, ढोढरीमा उजुरी दिएको थियो । प्रहरीले आरोपितलाई चैत्र २१ गते गिरफ्तार गरेको थियो । पीडितको स्वास्थ्य परीक्षण चैत्र २१ गते बर्दिया अस्पताल, गुलरियामा भएको थियो ।