भारत देशको महाराजगञ्ज केवलदहकी १३ वर्षीया बालिकालाई बालविवाह गरेको आरोपमा मर्चवारी गाउँपालिका–६, डिलरहवाका २९ वर्षीय उमेश कुर्मीलाई प्रहरीले ०८१ साउन २८ गते गिरफ्तार गरेको छ ।
पीडित बालिकालाई आरोपितले जेठ १५ गते ललाई फकाई विवाह गरेको भन्दै मर्चवारी गाउँपालिका–६ का छिमेकी ६० वर्षीय अधिराम कुर्मीले साउन २८ गते जिल्ला प्रहरी कार्यालयमा उजुरी दिनुभयो । सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी मनोहरप्रसाद भट्टले इन्सेकलाई जानकारी दिनुभयो ।
पीडित बालिकालाई भैरहवास्थित सुरक्षित आवास गृहमा राखिएको डिएसपी भट्टले बताउनु भयो ।