४७ वर्षीया महिलालाई बलात्कार प्रयास गरेको कसुरमा देवर नाता पर्ने २६ वर्षीय पुरुषलाई ०८१ असार १३ गते जिल्ला अदालतले नौ वर्ष कैद सजायको फैसला गरेको छ ।
जिल्ला अदालतका न्यायाधीश भगवती शर्मा ढुंगानाको इजलासले बलात्कार प्रयास घटनामा दोषी ठहर गर्दै नौ वर्ष कैदको फैसला गरेको जिल्ला बार इकाइका अध्यक्ष भूपेन्द्रबहादुर थिङले बताउनुभयो ।
आरोपितले ०८० पुस १६ गते पीडितलाई घर नजिक बाटोमा बलात्कार प्रयास गरेको भन्दै पीडितले पुस १६ गते इलाका प्रहरी कार्यालय बाह्रविसेमा उजुरी दिएकी थिइन् ।
पीडितको स्वास्थ्य परीक्षण पुस १६ गते प्राथमिक स्वास्थ्य केन्द्र बाह्रविसेमा भएको थियो ।