सुद्धोधन गाउँपालिका–४, सौँ फर्साटिकरकी ३२ वर्षीया महिलालाई इन्सेकले कानुनी प्रक्रियामा जानका लागि जेठ १५ गते पीडितलाई १० हजार रुपियाँ आर्थिक सहयोग गरेको छ ।
पीडितले आफूलाई विवाह गरेदेखि नै घरेलु हिंसा गर्दै चरित्र हत्या गरी सामाजिक सञ्जाल मार्फत फेक आइडी खोली चरित्र हत्या गर्ने र माइती सबै परिवारलाई मार्ने धम्की दिएको भन्दै न्यायका लागि पहल गरिदिन र आर्थिक सहयोग गरिदिन इन्सेक समक्ष आग्रह गर्नुभएको थियो ।
आफूलाई पटक पटक मार्ने धम्की दिएपछि इन्सेकको सहयोगमा जेठ ७ गते जिल्ला प्रहरी कार्यालयमा उजुरी दिएको र आरोपित वैदेशिक रोजगारीका लागि साउदी अरवमा भएकोले कानुनी प्रक्रिया अगाडि बढाइएको थियो ।
