पुतलीबजार नगरपालिका– ११ करेन्डाडा बसोबास गर्ने ३५ वर्षीया आगलागीबाट पीडित गीता थापालाई उपचारका लागि इन्सेक गण्डकी प्रदेश कार्यालयले वैशाख २८ गते आर्थिक सहयोग प्रदान गरेकाे छ ।
२०८१ वैशाख १९ गते जङ्गलमा लागेको आगो घरमा सल्किदा गम्भीर घाइते हुनुभएकी गीता थापालाई उपचारका लागि पोखरा ल्याइएकोमा त्यहाँ उपचार सम्भव नभएको हुँदा काठमाडौंको कीर्तिपुर हस्पिटलमा रिफर गरिएको थियो ।
घर आगलागीबाट पूर्ण नष्ट भएको र आर्थिक अवस्था निकै कमजोर भएकाले उपचारमा समस्या भएकाले आर्थिक सहयोग गर्नको लागि वैशाख २७ गते इन्सेक जिल्ला प्रतिनिधि मार्फत निवेदन दिनुभएको थियो ।
सोही निवेदनका आधारमा इन्सेक गण्डकी प्रदेश कार्यालयबाट स्याङ्जा जिल्ला प्रतिनिधि मार्फत वैशाख २८ गते ५ हजार रुपियाँ आर्थिक सहयोग गरिएको हो ।
घाइते परिवारले उक्त रकमले उपचारमा सहयोग पुग्ने भन्दै इन्सेकलाई धन्यवाद दिनुभयो ।