इलामको माङसेवुङ स्थायी घर भई दमक नगरपालिका-७ श्रीपाली टोलमा बस्दै आएकी २८ वर्षीया ममिला राईको कुटपिट गरी हत्या गरेको आरोपमा प्रहरीले ३४ वर्षीय पति विनोद राईलाई गिरफ्तार गरेको छ ।
घरायसी विवादका क्रममा आरोपितले ०८० माघ १७ गते पत्नीलाई कुटपिट गरेका थिए ।
कुटपिटका कारण ममिलाको माघ १८ गते मृत्यु भएपछि आरोपितलाई अनुसन्धानका लागि गिरफ्तार गरेको इलाका प्रहरी कार्यालय, दमकका डिएसपी मनोजकुमार लामाले बताउनु भयो ।
शवको पोष्टमार्टम दमक अस्पतालमा माघ १८ गते गरिएको छ ।
पीडित पक्षले शव बुझी माघ १८ गते रतुवा खोलामा सद्गत गरेको छ ।