मुख्यमन्त्री तथा मन्त्री परिषद्को कार्यालयले कर्णाली प्रदेशले मानव अधिकारसम्बन्धी पाँचौँ कार्ययोजना प्रदेश समन्वय समिति सदस्यमा इन्सेकलाई मनोनीत गरेको छ । समन्वय समितिको ०८० पुस १ गतेको निर्णय अनुसार इन्सेकलाई मनोनीत गरेको हो ।
समन्वय समितिका संयोजक समेत रहनुभएका प्रमुख शंकर बहादुर केसीले सदस्यमा इन्सेक कर्णाली प्रदेश संयोजक नारायण सुवेदीलाई मनोनीत गर्नुभएको हो ।
समितिमा सदस्यको रुपमा संयोजकले एक जना महिला सहित नागरिक समाजका तीन जना प्रतिनिधि मनोनित गर्न पाउने व्यवस्था रहेको छ । प्रदेश समन्वय समितिमा प्रमुख सचिव संयोजक, मुख्यमन्त्री तथा मन्त्रीपरिषद्को कार्यालयका सचिव (कानुन ) सदस्य सचिव र सबै मन्त्रलायका सचिव, प्रदेश प्रहरी प्रमुख, मुख्य न्यायधिवक्ताको कार्यलयका प्रतिनिधि, राष्ट्रिय मानव अधिकार आयोगका प्रतिनिधि र नागरिक समाजका तीन जना प्रतिनिधि रहेका छन् ।