बागचौर नगरपालिका–७ कोटबारा पुरानछापका २० वर्षीय घनश्याम ओलीलाई कुटपिट गरी हत्या गरेको आरोपमा प्रहरीले सोही वडाको स्याला का २५ वर्षीय केशर ओली र २३ वर्षीय सन्तोष ओलीलाई कात्तिक ८ गते गिरफ्तार गरेको छ ।
स्थानीय विद्यालयमा ०८० कात्तिक ४ गते भलिबल खेल्ने क्रममा विवाद हुँदा कुटपिट गरेको पीडित परिवारको आरोप छ।
उपचारका लागि भारतको लखनउ लगिएको हो । उपचारको क्रममा कात्तिक ८ गते मृत्यु भएको जिल्ला प्रहरी कार्यालयका डिएसपी नविन कार्कीले जानकारी दिनुभयो ।
शवको पोष्टमार्टम कात्तिक ९ गते जिल्ला अस्पतालमा भयो ।