शारदा नगरपालिका–१३ माथिल्लो सल्यानचौरमा की ४८ वर्षीया शारदा भण्डारीको हत्या गरेका आरोपमा प्रहरीले २३ वर्षीय छोरा नबिन भण्डारीलाई साउन २३ गते घरबाट गिरफ्तार गरेको छ ।
आरोपित छोराले साउन २३ गते विहान ४ बजेको समयमा आमाबुवा सुत्ने कोठामा गएर पैंयाको लठ्ठीले टाउकोमा हानेर आमाको हत्या गरेको जिल्ला प्रहरी कार्यालय सल्यानका इन्स्पेक्टर गोपाल श्रेष्ठले जानकारी दिनु भयो ।
घरमा आमाबुवासँग आरोपित छोरा बस्दै आएका थिए ।
घटनाको थप अनुसन्धानको लागि जिल्ला प्रहरी कार्यालयबाट इन्स्पेक्टर सन्तोष खनालको कमाण्डमा प्रहरी टोली घटनास्थलमा खटिएको छ । घटनाका बारेमा थप अनुसन्धान भइरहेको छ । शवको पोष्टमार्टमका लागि जिल्ला अस्पताल ल्याउने तयारी भइरहेको इन्स्पेक्टर श्रेष्ठले बताउनु भयो ।