बढैयाताल गाउँपालिका–७ स्थित रिभर क्वीन्स बोर्डिड स्कुलको पर्खाल भत्किएर घाइते भएकी बालिकाको उपचारको क्रममा साउन १९ गते मृत्यु भएको छ ।
बढैयाताल गाउँपालिका–७ घर भएकी कक्षा ३ मा अध्ययनरत नौ वर्षीया मेरिना थारु साउन साउन १६ गते शौलायलको पर्खाल भत्किएर पेट र मुखमा चोट लागेको थियो । घाइतेको नेपालगञ्ज मेडिकल कलेजमा उपचारको क्रममा मृत्यु भएको हो ।
मृतककी कान्छी आमा लक्ष्मी दहितका अनुसार घाइतेको साउन १९ गते पेटको शल्यक्रिया गरिएको थियो । शौचालयको पर्खाल कमजोर भएको कारण भत्किएको लक्ष्मी दहितले बताउनु भयो ।
बढैयाताल गाउँपालिका–७ का वडा अध्यक्ष राधेश्याम थारुले विद्यलायमा घटेको घट्ना दुःखद भएको बताउदै विद्यालयले मृतक परिवारलाई ८ लाख रूपियाँ दिने र २ लाख रूपियाँ मेरिनाको नाममा अक्षयकोष स्थापना गर्ने सहमति भएको बताउनु भयो ।
विद्यालय सञ्चालक सुजाता राईले विद्यालयमा भएको दुर्घटनाले विद्यालय परिवार दुःखी भएको बताउनु भयो । आगामि दिनमा यस्ता दुःखद घट्ना नहोस भनेर सचेत रहेको राईले बताउनु भयो ।