३० वर्षीया महिलालाई बलात्कार गरेको आरोपमा पीडितले देवानगञ्ज गाउँपालिका–७ राजगञ्ज सिनुवारीका ४० वर्षीय शङ्कर यादवविरूद्ध असार २१ गते प्रहरीमा उजुरी दिएको छ ।
पीडितलाई आरोपितले ०८० असार १५ गते बलात्कार गरेको आरोपमा पीडितले आरोपितविरूद्ध जिल्ला प्रहरी कार्यालयमा उजुरी दिएको डिएसपी राजकुमार राईले बताउनु भयो ।
पीडित पक्षको उजुरीलगत्तै फरार भएका आरोपितको खोजी थालिएको प्रहरीले जनाएको छ ।
पीडित महिलाको स्वास्थ्य परीक्षण जिल्ला अस्पतालमा असार २१ गते गरिएको छ ।