१६ वर्षीया बालिकालाई कल्याणपुर नगरपालिका–४ का २० वर्षीय विश्वबन्धु यादवले बलात्कार गरेको आरोपमा पीडित परिवारले इलाका प्रहरी कार्यालय मिर्चैयामा दिएको उजुरी असार १५ गते दर्ता भएको छ ।
आरोपितले बालिकालाई असार ६ गते बलात्कार गरेको आरोपमा इलाका प्रहरी कार्यालय मिर्चैयामा असार ८ गते उजुरी दिएको पीडित बालिकाको बुबाले बताउनु भयो । पीडित बालिकाको स्वास्थ्य परीक्षण प्रादेशिक अस्पताल सिरहामा असार ८ गते भएको थियो ।
इलाका प्रहरी कार्यालय मिर्चैयाका डिएसपी जितेन्द्र बस्नेतले घटना बारे अनुसन्धान गरी दर्ता गरेको बताउनु भयो । आरोपित फरार रहेकोले खोज तलास भइरहेको डिएसपी बस्नेतले बताउनु भयो ।