३८ वर्षीया महिलालाई बलात्कार प्रयास गरेको आरोपमा पीडित पक्षले असार १३ गते हरिपुर नगरपालिका–३ का ४१ वर्षीय बौका भन्ने भगिन्द्र कुमार यादवविरुद्ध इलाका प्रहरी कार्यालय हरिपुरमा उजुरी दिनु भएको छ ।
आरोपितले पिडित महिलालाई जेठ २४ गते बलात्कार प्रयास गरेको पीडित महिलाले बताउनु भयो । घटना पश्चात आरोपित यादव फरार रहेकोले खोजी कार्य भइरहेको इलाका प्रहरी कार्यालय हरिपुरका इन्स्पेक्टर विजय कुवरले जानकारी दिनुभयो ।
पीडित महिलाको स्वास्थ्य परीक्षण असार १३ गते सर्लाही जिल्ला अस्पताल मलङ्गवामा भएको थियो ।