१४ वर्षीया बालिकालाई यौन दुर्व्यवहार गरेको कसुर ठहर गर्दै पीडितका ठुलो बुवा नाता पर्ने ३७ वर्षीय पुरुषलाई २३ दिन कैद सजायको फैसला भएकाे छ ।
न्यायधीश हरिश्चन्द्र ढुङ्गानाको ०८० असार ६ गतेको इजलासले कसुर ठहर गर्दै कैदसंगै ३० हजार रुपियाँ क्षतीपुर्ती तथा ५ हजार रुपियाँ जरिबानाको फैसला गरेको अदालतका श्रेस्तेदार मिनबहादुर कुँवरले जानकारी दिनु भयो ।
पीडित बालिकालाई आरोपितले २०७९ पुस ११ गते आफ्नै घरमा यौन दुर्व्यवहार गरेको आरोपमा पीडितकी आमाले २०७९ पुस १३ गते इलाका प्रहरी कार्यालय बेलचौतारामा उजुरी दिनु भएको थियो ।
प्रहरीले आरोपितलाई पुस १३ गते गिरफ्तार गरेको थियो । आरोपितलाई कारबाहीको माग गर्दै जिल्ला सरकारी वकिल कार्यालयले २०७९ माघ ५ गते जिल्ला अदालतमा बाल यौन दुर्व्यवहार सम्बन्धी मुद्दा दर्ता गरेकोमा अदालतले माघ ७ गते आरोपितलाई ६० हजार रुपियाँ धरौटीमा रिहा गर्ने आदेश दिएको थियो ।
पीडित बालिकाको स्वास्थ्य परीक्षण २०७९ पुस १३ गते जिपि कोइराला अस्पतालमा भयो ।