कोहलपुर नगरपालिका –२ बर्दहवाकी २० वर्षीया प्रिती थारूको हत्या गरेको आरोपमा प्रहरीले मृतकका पति २१ वर्षीय अनिल थारू, ससुरा ४६ वर्षीय भागीलाल थारू र जेठाजु २४ वर्षीय राजकुमार थारूलाई वैशाख १८ गते घरबाट गिरफ्तार गरेको छ ।
प्रिती आफ्नै घरमा वैशाख १८ गते मृत फेला पर पीडित पक्षले आरोपितहरू विरूद्ध हत्या आरोपमा वैशाख १९ गते इलाका प्रहरी कार्यालय कोहलपुरमा उजुरी दिएका थिए ।
घटनाको जानकारी पाए लगत्तै प्रहरीले घटना शङ्कास्पद रहेकोले आरोपितहरूलाई वैशाख १८ गते गिरफ्तार गरिएको इलाका प्रहरी कार्यालय कोहलपुरका डिएसपी सुन्दर तिवारीले बताउनु भयो ।
घटनाको प्रकृति हेर्दा झ्याल फुटेको, ढोका बन्द भएको अवस्थामा थियो भने घटनाका दिन बिहान कुटपिट भएको अनुसन्धानमा खुल्न आएकाले थप अनुसन्धान भइरहेको डिएसपी तिवारीले बताउनु भयो ।
शवको पोष्टमार्टम वैशाख १८ गते भेरी अस्पतालमा गरिएको थियो ।