१५ वर्षीया बालिकालाई बलात्कार गरेको कसुरमा जिल्ला अदालत म्याग्दीले १७ वर्षीय बालकलाई आठ वर्ष कैद सजायको फैसला गरेको छ ।
न्यायधिश कृष्णप्रसाद शर्मा नेपाललको चैत ३० गतेको इजलासले आठ वर्ष कैद र पाँच लाख रुपियाँ जरिवानाको सजाय सुनाएको हो ।
पीडितलाई आरोपितले ०७७ माघ २ गते बलात्कार गरेको भन्दै पीडित पक्षले ०७८ भदौ १७ गते जिल्ला प्रहरी कार्यालय म्याग्दीमा उजुरी दिएका थिए ।
उजुरीका आधारमा प्रहरीले सोही दिन भदौ १७ गते आरोपित बालकलाई गिरफ्तार गरेको थियो ।
आरोपित विरूद्ध २०७८ असोज ६ गते जिल्ला सरकारी वकिल कार्यालय मार्फत बलात्कार कसुरमा जिल्ला अदालत म्याग्दीमा मुद्दा दर्ता गरेको थियो ।
पीडित बालिकाको स्वास्थ्य परीक्षण २०७८ भदौ १७ गते बेनी अस्पतालमा भएको थियो ।