१७ वर्षीया बालिकालाई बलात्कार गरेको कसुरमा जिल्ला अदालतले महालक्ष्मी नगरपालिका–३ का ३१ वर्षीय थर्कबहादुर खड्कालाई १२ वर्ष कैद सजायको फैसला सुनाएको छ ।
जिल्ला अदालतका न्यायाधीश योगेन्द्रप्रसाद शाहको ०७९ माघ ११ गतेको इजलासले कसुर गरेको ठहर गरी १२ वर्षको कैद सजाय सुनाएको अदालतका श्रेस्तेदार राजन बाँस्तोलाले बताउनु भयो ।
पीडित बालिकालाई आरोपितले ०७९ वैशाख २५ गते बलात्कार गरेको आरोपमा पीडित पक्षले आरोपितविरूद्ध वैशाख २६ गते इलाका प्रहरी कार्यालय जीतपुरमा उजुरी दिएको थियो ।
आरोपितलाई प्रहरीले वैशाख २७ गते गिरफ्तार गरी जिल्ला अदालतमा ०७९ असार ७ गते बलात्कार शीर्षकमा मुद्दा दर्ता गरेको थियो ।
मुद्दाको पेशी ०७९ भदौ १३, पुस २१ र माघ ११ गते भएको थियो ।
पीडितको स्वास्थ्य परीक्षण जिल्ला अस्पतालमा ०७९ वैशाख २७ गते गरिएको थियो ।