इन्सेक लुम्बिनी प्रदेश कार्यालय नेपालगञ्जको आयोजनामा लुम्बिनी प्रदेशको मानव अधिकारको अवस्था तथा नेपाल मानव अधिकार वर्ष पुस्तक २०२३को वार्षिक सम्पादन भेला नेपालगञ्जमा पुुस २० र २१ गते नेपालगञ्जमा सम्पन्न भएको छ ।
कार्यक्रममा इन्सेक लुम्बिनी प्रदेश संयोजक भोला महतले मानव अधिकार उलङ्घनका पीडितहरूको कानुनी प्रक्रिया र न्यायमा पहुँचको अवस्था बारे गहन छलफल हुनुपर्ने र नेपाल मानव अधिकार वर्ष पुस्तक २०२३ सम्पादन सत्यतथ्य हुनुपर्ने बताउनु भयो । न्याय प्रक्रियामा सहयोग भएकाहरूको अभिलेख राख्न जरुरी रहेको बताउनु भयो ।
जिल्ला प्रतिनिधिहरूले संकलन गरेका मानव अधिकार उलङ्घन तथा ज्यादतीका २ हजार घटनाहरू अभिलेख गरेको जानकारी गराएका थिए । जस मध्ये बलात्कार, घरेलु हिंसा, मानव बेचबिखन तथा ओसार पसार ,यौन दुर्व्यवहार र घरेलु हिंसाका घटनाहरू रहेका छन ।
कार्यक्रममा इन्सेक केन्द्रीय कार्यालयका गोविन्द त्रिपाठी र रमेशप्रसाद तिमिल्सिेनाले वर्ष पुस्तकमा समावेश गरिने घटनाहरूको पुष्टि र पुनर् पुष्टिको बारेमा सहजीकरण गरेका थिए ।
